Ministria e Drejtësisë është nikoqire e ekipit ekspert të GRECO-s

Ministria e Drejtësisë është nikoqire e ekipit ekspert të GRECO-s (Grupi i Shteteve Kundër Korrupsionit) pranë Këshillit të Evropës, i cili qëndron në vend nga 2 deri më 6 nëntor 2026.

Vizita realizohet në kuadër të raundit të gjashtë të vlerësimit të GRECO-s, i cili i kushtohet parandalimit të korrupsionit dhe promovimit të integritetit në nivel lokal.

Në kuadër të procesit të vlerësimit, ekipi ekspert do të zhvillojë takime me përfaqësues të institucioneve kompetente dhe aktorë të tjerë relevantë, me qëllim vlerësimin e mekanizmave ekzistues anti-korrupsion, identifikimin e sfidave dhe përcaktimin e mundësive për përmirësimin e tyre.

Ministria e Drejtësisë thekson rëndësinë e bashkëpunimit me GRECO-n dhe Këshillin e Evropës në drejtim të forcimit të integritetit institucional, transparencës, llogaridhënies dhe sundimit të ligjit.