Një banor i Radovishit kërcënoi me telefon punonjës në një ambasadë të huaj
SVR Strumicë – OVR Radovish ka ngritur padi penale kundër 37-vjeçarit G.N. nga Radovishi, i dyshuar për kërcënim të personave nën mbrojtje ndërkombëtare, pasi ka dërguar kërcënime serioze me telefon ndaj punonjësve në një ambasadë të një shteti të huaj në Maqedoni.
Sipas informacioneve nga Ministria e Punëve të Brendshme, më 4 nëntor 2026 i raportuari ka telefonuar në ambasadë dhe në gjuhë të huaj ka kërcënuar punonjësit, duke rrezikuar sigurinë e tyre.
Ngjarja u raportua në polici ditën pasardhëse, pas së cilës punonjësit e policisë e gjetën dhe e arrestuan G.N. Gjatë intervistës zyrtare, ai pranoi veprën.
"Pas ngritjes së padiës, dhe bazuar në propozimin e prokurorit publik, gjyqtari i Gjykatës Themelore të Strumicës ka marrë vendim për dërgimin e tij në vëzhgim psikiatrik në një institucion shëndetësor përkatës", njoftoi MPB-ja.
