(Video) Pop-Ilioski: Mentori Filipçe dhe Goran Beton Gerasimovski, premtuan mbylljen e Debar Maalos, por e bëjnë jetën e banorëve edhe më të vështirë
„Sot jemi në rrugën „Ruzveltova“, ku hapet një çështje serioze për sigurinë e qytetarëve“, thotë Sasho Pop-Ilioski, kryetar i komisionit ligjor në OK Qendër nga radhët e VMRO-DPMNE-së.
Hyrja në objekt, shton ai, është parashikuar nga rruga kryesore, në vend të anës së pasme, me çka, siç thotë, hapet çështja e sigurisë së këmbësorëve dhe automjeteve.
„Në një lagje ku parkimi është problem i madh, ndërsa hapësira e gjelbër po zvogëlohet, çdo zgjidhje e tillë ngarkon edhe më shumë hapësirën.
Zoti Goran Beton Gerasimovski, premtuat se do ta mbyllni Debar Maalon për të mbrojtur cilësinë e jetës së banorëve. Por sot, në vend që t’u lehtësoni jetën, ua vështirësoni edhe më shumë përditshmërinë dhe lëvizjen! Ku janë zgjidhjet e premtuara për sigurinë, parkimin dhe hapësirën e gjelbër?
Gerasimovski, qytetarët meritojnë të dinë kush ka miratuar këto zgjidhje dhe nëse është bërë vlerësimi i duhur i sigurisë. Nuk mund të premtohet një Debar Maalo i rregulluar dhe human, ndërkohë që merren vendime që hapin probleme të reja për njerëzit që tashmë jetojnë aty“.
Debar Maalo, shton Pop-Ilioski, nuk është hapësirë për eksperimentime në kurriz të qytetarëve. Ai kërkon nga Komuna Qendër të rishikojë sigurinë e hyrjes nga „Ruzveltova“ dhe të shpjegojë publikisht se si do t’i mbrojë këmbësorët, do ta zgjidhë parkimin dhe do ta ruajë hapësirën e gjelbër. „Banorët meritojnë zgjidhje, jo një premtim tjetër të pambajtur“.
