(Video) Radeski: Rezultati i zgjedhjeve tregon se po zvogëlohet mbështetja për pushtetin
Rezultati i zgjedhjeve tregon se pushtetit po i zvogëlohet mbështetja, ndërsa po rritet mbështetja për opozitën dhe kjo është një trend, deklaroi Jovica Radeski, kandidat për kryetar të Komunës së Brvenicës nga LSDM.
„Në krahasim me zgjedhjet e kaluara për kryetar, VMRO ka rënë mbi 13 për qind ndërsa LSDM ka rritje prej 46 për qind. Kur shtohen votat e ZNAM dhe Levicës që shkuan te VMRO në Brvenicë, rreth 400, rënia e VMRO-së është mbi 800 vota. Sigurisht nuk mund të jemi të kënaqur me rezultatin, por padyshim jemi të kënaqur që qytetarët e njohin luftën tonë“, tha ai.
Radeski tha se ZNAM dhe Levica kanë votuar për VMRO, ndërsa njerëzit nga Platforma ZNAM 2.0 kanë punuar kundër tij dhe kundër LSDM-së.
„Nuk ndihmuan, por penguan. Madje disa persona pikërisht nga kjo Platformë thërrisnin që të mos dalin për të votuar dhe të mos votohet. Shokë, duhej të vini dhe të ndihmoni. Jo tani të flisni për Brvenicën. Mendoni se çfarë dëmi po bëni. Ose heshtni ose ndihmoni, mjaft pengoni. Një njollë e zezë në zgjedhje hodhi publikimi i rezultateve të votimit të të sëmurëve dhe të dobëtve, edhe para se të hapeshin kutitë. Pres dhe kërkoj hetim për të parë saktësisht kush i ka hapur kutitë, kush i ka numëruar dhe kush ka dërguar numrin për t’u publikuar publikisht, para se të arrijë te komisioni“, tha ai.
Sipas Radeskit, zgjedhjet në Brvenicë një herë tjetër treguan se LSDM është e vetmja opozitë e vërtetë në Maqedoni.
