Hamilton pas garës në Singapor përfundoi në kontrolle mjekësore

Lewis Hamilton duhej të kalonte kontrolle mjekësore pas përfundimit të garës në Formula 1 për Çmimin e Madh të Singaporit.

Lewis Hamilton u përball me probleme serioze fizike pas Çmimit të Madh të lodhshëm të Singaporit, gjatë të cilit voziti 62 xhiro në nxehtësi ekstreme dhe lagështi të lartë në pistën rrugore "Marina Bay".

Garuesi i Ferrarit nuk u paraqit para mediave pas garës për shkak të gjendjes së tij shëndetësore, dhe skuadra italiane konfirmoi se ai kishte nevojë për ndihmë mjekësore.

Zëdhënësi i Ferrarit konfirmoi se shtatë herë kampioni botëror u ndje keq pasi doli nga makina dhe u kontrollua nga ekipi mjekësor i Federatës Ndërkombëtare të Automobilizmit (FIA).

Për këtë arsye, Hamiltoni mori leje për të anashkaluar detyrimet e tij të zakonshme mediatike pas garës.

Problemet e Hamiltonit u komplikuan më tej nga një gabim strategjik gjatë vetë garës. Britaniku nuk i dëgjoi thirrjet e Ferrarit për të hyrë në bokse gjatë periudhës së automjetit virtual të sigurisë, duke u detyruar të vazhdojë të vozisë me goma të vjetra dhe shumë të konsumuar, për çka nuk arriti të mbrojë pozicionin e tij në finish.

Hamilton gradualisht humbi vendet, dhe u parakalua nga garuesi i Mercedesit, Kimi Antonelli, si dhe nga të dy garuesit e McLarenit, Lando Norris dhe Oscar Piastri.

Edhe pse në një moment ishte në garë për një vend në podium, ai përfundoi garën në vendin e gjashtë.

Foto/ Depositphotos