Katastrofë për Interin – Lautaro u lëndua

Interi mbeti pa Lautaro Martinez para një serie ndeshjesh të rëndësishme. Sulmuesi argjentinas ka dëmtuar muskujt e kofshës së këmbës së majtë.

Kjo do të thotë se futbollisti argjentinas dhe golashënuesi më i mirë i Interit do të mungojë në ndeshjen kundër Milanit më 31 tetor.

Vlerësimet e para tregojnë një pushim prej rreth 20 ditësh, por pritet që ai të kthehet pas pushimit për ndeshjet e kombëtares në nëntor. Kristian Kivu nuk do të mund të llogarisë në kapitenin për ndeshjet kundër Bolonjës, Fiorentinës dhe Venecias në Serie A, si dhe për përballjen me Shakhtjorin në Ligën e Kampionëve.

Në klubin milanez shpresojnë që Martinez të mos udhëtojë për grumbullimin e Argjentinës, në mënyrë që të përfundojë rikuperimin pa ngarkesa shtesë dhe të përgatitet për duelin me Atalantën, të parin pas pushimit.

Një shqetësim shtesë shkakton numri në rritje i mungesave të tij. Lautaro prej vitesh konsiderohet si një nga lojtarët më të qëndrueshëm të Interit, por problemet me dëmtimet po bëhen më të shpeshta në muajt e fundit.

Lajmi vjen në një kohë të vështirë për "neroazurrët", pas humbjes nga Club Brugge në Ligën e Kampionëve.

Foto/ Depositphotos