Sanço në Getafe me pagë 25 herë më të vogël se ajo që kishte në Manchester United
Jadon Sanço dikur ishte një nga futbollistët më të kërkuar në botë, dhe në moshën 26-vjeçare po kap trenin e fundit për të shpëtuar karrierën e tij.
Sulmuesi anësor nga Anglia iu bashkua Manchester United në verën e vitit 2021 në një transferim me vlerë 85.000.000 euro pas periudhës së shkëlqyer në Borussia Dortmund, ku shënoi 49 gola dhe regjistroi 53 asistime në 125 paraqitje për tre sezone.
Në "Old Trafford" ai u fik plotësisht, por në llogarinë e tij vazhdoi të merrte 250.000 paund në javë gjatë pesë viteve të rënies së thellë. Kështu, fitoi një shumë të pabesueshme prej 65.000.000 eurosh.
Këtë verë, ish-lojtari i akademisë së Manchester City përfundoi bashkëpunimin me "djajtë e kuq" dhe që nga atëherë pret një angazhim të ri. Kishte informacione se Getafe ishte i interesuar për të, dhe se ishin të gatshëm t'i ofronin vetëm 400.000 euro deri në fund të sezonit, ose 10.000 paund në javë.
Kjo është një mundësi për të që të rikthehet në skenë në një nga ligat më të forta evropiane, me një paraqitje shtesë në Ligën e Konferencës.
Angel Torres, presidenti i klubit, konfirmoi se Madridi ka dërguar një ofertë në adresën e djalit nga Londra.
Do të ishte e mençur që Jadon të gëlltiste krenarinë e tij, të përballej me realitetin dhe të përpiqej përsëri në Gadishullin Iberik të diellit. Ndoshta luajtja në një klimë më të ngrohtë për herë të parë në karrierën e tij do t'i ndihmonte të rikthehej në formën e duhur.
