(Video) Cvetanoski: 33% e punëtorëve në Maqedoni marrin pagë nën kufirin e varfërisë
Statistikat e fundit të sindikatës tregojnë se çdo punëtor i tretë në Maqedoni jeton me pagë nën kufirin e varfërisë. Nga gjithsej 540.000 të punësuar, rreth 180.000 punëtorë marrin paga më të ulëta se 31.200 denarë në muaj. Kështu, 33% e punëtorëve në Maqedoni marrin pagë nën kufirin e varfërisë, deklaroi Simona Cvetanoski, anëtare e Bordit Ekzekutiv të LSDM-së.
Ajo shtoi se shporta e konsumit është mbi 70 mijë denarë, dhe me banesë shkon mbi 90 mijë denarë.
"As tre paga nuk mjaftojnë për të mbuluar shpenzimet bazë të jetesës. Punëtorët në Maqedoni me vështirësi arrijnë të përballojnë jetesën, me pagat më të ulëta në Evropë. Kjo është realiteti dhe vendimi i hajdutërisë së Mickoskit – punëtorët të punojnë, por të jenë të varfër. Përrallat e Mickoskit për ekonominë e tretë në Evropë ekzistojnë vetëm në deklaratat e tij, jo në realitet", tha Cvetanoski.
Ajo shtoi se këtë e ka konfirmuar edhe Banka Botërore me përfundimin se standardi maqedonas është një e treta e atij evropian.
"Nëse paga minimale do të ishte 600 euro, siç propozoi LSDM, punëtorët nuk do të ishin lënë të jetojnë me të ardhura nën këtë kufi të varfërisë. Por hajdutëria e Mickoskit dhe qeveria e tij refuzuan propozimin. Refuzuan t'u ndihmojnë punëtorëve, refuzuan të vlerësojnë punën e tyre. Kanë 5.5 milionë euro për një natë për DJ, kanë për tendera dhe komisione, nuk kanë para për punëtorët. Holla në buxhet është 900 milionë euro, për pensionet holla është rreth një miliard euro. Në vetëm dy vjet, Mickoski e rriti borxhin shtetëror për rreth 4 miliardë euro, pothuajse gjysmën e borxheve të akumuluara në 35 vitet e mëparshme. Shpenzimet vjetore për interesa nga borxhet u rritën në 350 milionë euro", deklaroi Cvetanoski.
