Kisela Voda krijon Buxhetin së bashku me qytetarët: Mbajtën takimet publike në Draçevë dhe në Shtëpinë e Kulturës „Biljana Beliçanec“

Pas takimit në Draçevë, mbrëmë u mbajt një takim publik edhe në Shtëpinë e Kulturës „Biljana Beliçanec“, i dedikuar krijimit të buxhetit të ri komunal të Komunës Kisela Voda për vitin 2027. Qytetarët e pranishëm u përfshinë drejtpërdrejt dhe përmes diskutimit treguan nevojat më të rëndësishme dhe zgjidhje konkrete për lagjet e tyre. Përmes ideve të tyre, së bashku vendosen hapat e ardhshëm dhe krijohet buxheti në mënyrë të përbashkët, duke përcaktuar prioritetet e vërteta, njofton Komuna Kisela Voda.

"Procesi realizohet në bashkëpunim të Komunës Kisela Voda me Finance Think, nën moton „Propozo, diskuto, prioritizo“, me qëllim që çdo banor të ketë mundësi të kontribuojë në përcaktimin e prioriteteve buxhetore.

Nëse qytetarët nuk mund të marrin pjesë personalisht në këto takime, është hapur mundësia që propozimet e tyre t’i dërgojnë në mënyrë elektronike përmes linkut.

Të gjitha propozimet e pranuara janë kyçe për përcaktimin e përbashkët të prioriteteve, sepse zëri i çdo individi është i rëndësishëm për zhvillimin e komunës. Ky proces realizohet në kuadër të projektit „Mbikëqyrje qytetare: Kapërcimi i hendekut midis premtimeve politike dhe realizimeve në katër fusha zhvillimore“, i mbështetur nga Qeveria e Zvicrës përmes Civica Mobilitas", njoftoi Komuna Kisela Voda.