Dimitrieska-Koçoska në Takimet Vjeshtore të FMN-së dhe Bankës Botërore në Bangkok

Ministrja e financave Gordana Dimitrieska-Koçoska do të marrë pjesë në Takimet e rregullta Vjeshtore të Fondit Monetar Ndërkombëtar (FMN) dhe Grupit të Bankës Botërore, të cilat këtë javë mbahen në Bangkok, Tajlandë.

Në kuadër të takimeve, ministrja do të zhvillojë takime bilaterale me përfaqësues të lartë të Bankës Botërore dhe FMN-së, si dhe me përfaqësues të institucioneve ndërkombëtare financiare, si dhe do të marrë pjesë në takime të dedikuara për perspektivat ekonomike rajonale dhe sfidat globale ekonomike.

Në kuadër të takimeve, ministrja do të zhvillojë një takim pune me nënkryetaren e Bankës Botërore, Antonella Basani, dhe nënkryetarin e Korporatës Ndërkombëtare Financiare (IFC) për Evropën, Amerikën Latine dhe Karaibet, Alfonso Garcia Mora. Parashikohet edhe një takim me drejtorin ekzekutiv të Bankës Botërore për Konstituencën në të cilën bën pjesë Maqedonia, Eugene Rugenat. Në takime do të diskutohet për bashkëpunimin aktual, aktivitetet që po realizohen dhe mundësitë për përmirësimin e mëtejshëm të tij.

Ministrja do të zhvillojë takim edhe me zëvendësdrejtorin e përgjithshëm të FMN-së, Bo Li, si dhe me drejtorin e FMN-së për Evropën, Mateush Shçurek.
Në agjendë janë edhe takimet me drejtorin ekzekutiv të FMN-së, Jerun Klik, dhe zëvendësdrejtorin ekzekutiv, Marniks van Raj, si dhe pjesëmarrja në takimin e vendeve të konstituencës zgjedhore dhe ngjarjet e dedikuara për perspektivat ekonomike rajonale.

Në agjendë janë edhe takimi i vendeve të konstituencës zgjedhore, ngjarjet në kuadër të Takimeve Vjetore, si dhe sesioni plenare i Takimeve Vjetore të FMN-së dhe Bankës Botërore.

Pjesëmarrja në këto takime paraqet një mundësi për shkëmbim mendimesh mbi lëvizjet aktuale ekonomike, politikat fiskale dhe mundësitë për përmirësimin e bashkëpunimit me institucionet ndërkombëtare financiare.

Në përbërje të delegacionit në Takimet Vjeshtore është edhe guvernatori i Bankës Popullore Trajko Slaveski.