Le Pen: Franca është peng mes dhunës dhe paaftësisë së pushtetit
Udhëheqësja e së djathtës ekstreme franceze dhe kandidate presidenciale, Marine Le Pen, dënoi, siç e vlerësoi, "krizën e thellë" në Francë pas trazirave dyditore në vend, duke paralajmëruar se ngjarjet përbëjnë kërcënim për demokracinë.
Në një fjalim video të publikuar në rrjetin social X, Le Pen kritikoi pushtetin e presidentit francez Emmanuel Macron, duke e vlerësuar atë si të lodhur dhe të çorientuar.
Ajo tha se pushteti duket i paaftë të bëjë diçka tjetër përveçse të komentojë rëndësinë e vet.
"Po përballemi me një krizë të thellë besimi dhe autoriteti, e cila përbën kërcënim për demokracinë", deklaroi Le Pen.
"Ky fakt duhet të na paralajmërojë: vendi ynë është kapur në grackë, madje edhe mbajtur peng, mes dhunës dhe paaftësisë", theksoi ajo.
Ndërkohë, këshilli bashkiak në qytetin francez Limoges, i ndërtuar në vitin 1883, duket plotësisht i shkatërruar pas zjarrit dhe demonstratave studentore.
Politikanë nga e majta dhe e djathta kërkuan dorëheqjen e ministrit të Brendshëm Laurent Nuñez, pasi u krijua përshtypja se qeveria ishte kapur në befasi nga përmasat e dhunës.
Gjatë trazirave janë sulmuar dhe djegur objekte shtetërore, janë thyer stacione autobusi, rrugët janë bllokuar me barrikada, ndërsa dyqanet janë plaçkitur dhe shkatërruar.
