NATO dërgon kapacitete shtesë në rajonin e Detit të Zi

NATO do të dërgojë kapacitete shtesë në rajonin e Detit të Zi, duke përfshirë mjete për mbikëqyrje, zbulim dhe analizë forenzike, njoftoi sot zëdhënësja e Aleancës, Alison Hart, pas takimit të ambasadorëve në Këshillin e Atlantikut të Veriut (NAC), ku u diskutua situata e sigurisë në atë rajon, transmeton Tanjug.

Në një postim në rrjetin social X, Hart deklaroi se NATO tashmë ka forcuar praninë e saj përgjatë pjesës lindore, duke përfshirë kapacitetet për luftë kundër dronëve.

"Ne do të vazhdojmë të veprojmë si një dhe të sigurojmë që jemi të përgatitur dhe të aftë të përgjigjemi ndaj çdo kërcënimi dhe të mbrojmë një miliard qytetarët tanë", tha Hart.