Diell me vranësira të moderuara, temperaturat ditore deri në 20 gradë

Mot me diell dhe vranësira lokale të moderuara dhe erë të dobët deri mesatare nga drejtimi verior na pret sot në të gjithë vendin. Temperaturat minimale do të lëvizin nga 0 deri në 7 gradë, ndërsa maksimalet do të arrijnë nga 13 deri në 20 gradë.

Në Shkup moti do të jetë me diell, me vranësira lokale të vogla deri mesatare dhe erë të dobët deri mesatare veriore. Temperatura e mëngjesit do të zbresë deri në 5 gradë, ndërsa ajo ditore do të arrijë deri në 18 gradë.

Moti stabil dhe relativisht i ngrohtë pritet edhe në ditët në vijim, me vranësira të ndryshueshme gjatë ditës.