Djali rrahu babanë, kërcënime, sulme fizike ndaj grave: regjistrohen më shumë raste të dhunës në familje

Në OVR Berovë, gjatë ditës së djeshme në orën 15:30, një grua 43-vjeçare nga Berova ka raportuar se në shtëpinë familjare, pas një mosmarrëveshjeje paraprake, është sulmuar fizikisht nga bashkëshorti i saj M.D. Pas dokumentimit të plotë të rastit, do të ndiqet një padi e përshtatshme.

Të njëjtën ditë në Koçan në orën 18:30, punonjës policie nga OVR Koçan kanë arrestuar D.J. (67) nga Koçani, duke vepruar pas një raportimi paraprak nga bashkëshortja e tij 58-vjeçare se rreth orës 15:00 në shtëpinë familjare i ka drejtuar kërcënime. Pas dokumentimit të plotë të rastit do të paraqitet një padi e përshtatshme.

Në OVR Strugë dje në orën 11:30 është raportuar se J.B. nga një fshat i Strugës, në shtëpinë familjare ka sulmuar fizikisht babanë e tij 67-vjeçar. Pas dokumentimit të plotë të ngjarjes, kundër tij do të paraqitet një padi e përshtatshme.