„Do të jap gjithçka nga vetja për të zgjidhur çdo problem të popullit“, thotë Mickoski
„Çdo ditë fle dhe zgjohem me pyetjen nëse po ia dalim dhe nëse mundemi më mirë“, deklaroi kryeministri Hristijan Mickoski, duke folur për sfidat me të cilat përballet Qeveria, gjendjen në shtet dhe pritjet e qytetarëve, gjatë festimit të 11 Tetorit.
Mickoski pranoi se është e vështirë të përgjigjesh për të gjitha problemet me të cilat përballen qytetarët dhe se çdo ditë mendon nëse Qeveria po bën mjaftueshëm.
„Është e vërtetë që është shumë e vështirë, edhe pse nuk flas zëshëm për atë që ndjej për çdo fat të vështirë që dëgjoj në biseda apo media. Do të jepja gjithçka nga vetja që të mund të zgjidhja çdo çështje dhe problem që ka populli. Jam i sigurt se mundemi më shumë“, tha kryeministri.
Ai njëkohësisht shprehu bindjen se Qeveria po arrin rezultate, duke theksuar se sipas tij, po bëhen përpjekje maksimale për zbatimin e reformave dhe përmirësimin e gjendjes.
„Por gjithashtu, jam i sigurt që po ia dalim dhe po japim atomën e fundit të forcës për të bërë shumë më tepër, për të sjellë rend në kaosin, për të sjellë reforma në kaosin që gjetëm, për të ngritur një shtëpi të fortë mbi themelet që po rindërtojmë, dhe në këtë luftë tonë rezultatet po fillojnë të bëhen të dukshme“, deklaroi Mickoski.
Kryeministri vlerësoi se Qeveria punon në kushte jashtëzakonisht të vështira, për të cilat përmendi problemet e trashëguara në institucionet dhe krizave globale aktuale.
