Gjetën dy trupa të pajetë në Bogdanci, njëri në një automjet të djegur

Dy trupa të pajetë u gjetën dje pasdite në Bogdanci, njëri prej tyre në një automjet të djegur, ndërsa tjetri në afërsi të tij, njoftoi Ministria e Punëve të Brendshme.

Sipas policisë, më 3 nëntor, rreth orës 18:40, një banor i Bogdancit raportoi se në vendin e quajtur "Içeva çeshma", në Fshatin e Epërm, kishte vërejtur një automjet të djegur të parkuar, pranë të cilit kishte një trup të pajetë.

Oficerët e policisë dolën menjëherë në vendngjarje, ku u konstatua se bëhej fjalë për 21-vjeçarin V.G. nga Bogdanci. Vdekjen e konstatoi një ekip i Ndihmës së Shpejtë Mjekësore pranë Spitalit të Përgjithshëm në Gevgelinë.

Pas lokalizimit të zjarrit nga brigada e zjarrfikësve, në brendësi të automjetit u vërejt edhe një trup tjetër i djegur i pajetë.

Rasti u njoftua prokurorit publik nga Prokuroria Themelore Publike në Gevgelinë, dhe në vendngjarje u krye inspektim. Sipas urdhrit të prokurorit, të dy trupat u dorëzuan për obduksion për të përcaktuar identitetin dhe shkaqet e vdekjes.

Policia po ndërmerr masa për të sqaruar të gjitha rrethanat dhe për të zbardhur plotësisht rastin.