Interes i madh për milionin: deri tani janë regjistruar 413 ekipe, afati skadon më 11 nëntor

Deri më 5 nëntor, në edicionin e dytë të garës për idenë më të mirë të biznesit janë regjistruar 413 ekipe të shkollave të mesme, të cilët me idetë e tyre kreative dhe inovative hyjnë në garën për një investim prej një milioni denarë.

Afati për regjistrim skadon më 11 nëntor, dhe thirrja është e hapur për të gjithë nxënësit e shkollave të mesme në Maqedoni. Për pjesëmarrje nuk është i nevojshëm një produkt i gatshëm, biznes i zhvilluar apo përvojë e mëparshme sipërmarrëse, por një ide e mirë biznesi, kreativitet dhe dëshirë që ajo të shndërrohet në diçka më të madhe.

Gara është e hapur për ide nga të gjitha fushat – nga teknologjia dhe arsimi deri te ekologjia, shërbimet dhe zgjidhjet digjitale. Çdo ide që ofron një qasje të re, zgjidh një problem konkret ose krijon vlerë të re ka shans për sukses.

Në edicionin e vitit të kaluar fitoi ekipi Stay-Be nga Bitola me projektin „Sistemi 4“.

Organizatorët e garës janë Brainster Next College dhe NU High School Academy, të cilët përmes kësaj iniciative nxisin potencialin sipërmarrës të të rinjve.

Të gjithë nxënësit e interesuar mund të regjistrohen së fundi deri më 11 nëntor përmes platformës natprevar.com.

Gara mbështetet edhe nga Ministria e Arsimit dhe Shkencës e Republikës së Maqedonisë.