Brenda pesë ditëve janë regjistruar 25 denoncime për dhunë në familje, janë arrestuar 14 persona

Në periudhën nga 1 deri më 5 nëntor 2026, punonjësit e policisë vepruan mbi 25 denoncime për dhunë në familje dhe dhunë në marrëdhënie partnere dhe familjare, në zonat e Shkupit, Kumanovës, Koçanit, Shtipit, Velesit, Ohrit, Gostivarit, Kavadarcit, Prilepit, Bitolës, Tetovës, Berovës, Strugës, Kičevës, Shën Nikollës dhe Strumicës.

"Në kuadër të veprimeve për disa nga rastet, punonjësit e policisë kanë privuar nga liria dhe arrestuar 14 persona, për shkak të dyshimit për sulme fizike, kërcënime dhe forma të tjera të sjelljes së dhunshme ndaj anëtarëve të familjes dhe partnerëve aktualë ose të mëparshëm", informon MPB-ja.

Në mesin e rasteve të denoncuara ka sulme fizike ndaj bashkëshortëve, partnerëve të mëparshëm, prindërve, fëmijëve, vëllezërve dhe motrave, si dhe raste të keqtrajtimeve psikologjike, kërcënimeve dhe ngacmimeve. Janë regjistruar edhe raste të mosrespektimit të masave mbrojtëse të vendosura, si dhe mosrespektim të vendimeve të qendrave për punë sociale lidhur me realizimin e takimeve me fëmijët e mitur.

Në një nga rastet në Shkup, një person me një mjet të mprehtë ka drejtuar kërcënime ndaj nënës së tij, ndërsa në një rast tjetër në Tetovë është denoncuar ndjekje dhe kërcënime nga një partner i mëparshëm, me çka nuk janë respektuar masat mbrojtëse të vendosura nga gjykata.

Janë denoncuar edhe raste të dhunës fizike ndaj personave të mitur, si dhe kërcënime dhe sjellje të dhunshme në shtëpinë familjare.

Pas dokumentimit të plotë të rasteve, kundër personave të përfshirë do të ngrihen kallëzime dhe parashtresa të përshtatshme.

Ministria e Punëve të Brendshme thotë se vepron për çdo denoncim për dhunë në familje dhe merr të gjitha masat ligjore për zbulimin dhe ndëshkimin e kryerësve.

"Apelojmë te qytetarët që të mos heshtin dhe të denoncojnë në kohë çdo formë të dhunës në familje, në mënyrë që institucionet kompetente të mund të reagojnë në kohë", thonë nga MPB-ja.