LSDM kërkon hetim kundër Mickoskit dhe Slaveskit pas heqjes së lejes së Altës Bankës në Serbi

Opozita LSDM kërkon nga Prokuroria të nisë procedura penale kundër kryeministrit Kristian Mickoski, guvernatorit të Bankës Popullore, Trajko Slaveski, dhe personave të tjerë për të cilët pretendon se kanë marrë pjesë në proceset lidhur me Altë Bankën, pasi Banka Popullore e Serbisë i hoqi lejen për punë dhe njoftoi falimentimin.

Nga LSDM thonë se me këtë vendim janë bllokuar llogaritë e qytetarëve dhe kompanive, ndërsa në bankë kishin depozita edhe kompani shtetërore. Ata pretendojnë se kompanitë që punonin me shtetin kishin urdhër të bashkëpunonin me Altë Bankën.

„Që prej muajsh po themi: Alta është bankë në pronësi të Aleksandar Vuçiqit, kapital kriminal, prejardhje e dyshimtë. Që prej muajsh kërkojmë hetim, reagim nga Prokuroria, Banka Popullore, Policia Financiare.

Qetësuan dhe nuk ndërmorën asgjë, mbrojtën Mickoskin dhe grupin e tij kriminal të organizuar, së bashku me partinë motër SNS“, akuzojnë nga LSDM.

Partia kërkon që Prokuroria të marrë të gjitha masat edhe sot dhe të hapë procedura kundër Mickoskit, Slaveskit dhe të gjithë të tjerëve që mendojnë se kanë qenë të përfshirë në rast.

„Tani nuk ka arratisje. Mickoski dhe banda e tij duhet të përgjigjen për dëmin që i kanë shkaktuar qytetarëve të Maqedonisë dhe reputacionit të shtetit“, thuhet në njoftimin e LSDM-së.