Barcelona nuk ka ndërmend ta shesë Olmon

Bajern Mynih është i interesuar për Dani Olmon, por Barcelona nuk ka ndërmend të heq dorë nga përfaqësuesi spanjoll.

Sipas gazetës katalanase „El Nacional“, drejtuesit e klubit nga „Kamp Nou“ nuk duan të negociojnë për transferimin e tij, edhe nëse në adresën e Barcelonës arrin një ofertë prej 90 milionë eurosh.

Olmo (28), ish-futbollist i Dinamo Zagreb, ka një rol të rëndësishëm në planet e klubit katalanas, i cili e sheh atë si një nga liderët e skuadrës në sezonet e ardhshme.

Siç raportoi „El Nacional“, drejtuesit e Barcelonës mendojnë se nuk ka arsye për të shqyrtuar ofertat, pavarësisht interesit të Bajernit dhe mundësive financiare të gjigantit gjerman.

E vetmja mundësi që Olmo të largohet nga Barcelona pa marrëveshje mes dy klubeve do të ishte aktivizimi i klauzolës së blerjes në kontratën e tij, e cila arrin deri në 500 milionë euro. Në atë rast, vendimi do të varej nga vetë futbollisti, i cili, sipas mediave katalanase, është i kënaqur me statusin e tij në skuadër.

Një rol i madh në vendimin e Barcelonës luan edhe trajneri Hansi Flik, i cili vlerëson shumë cilësitë e Olmos. Trajneri gjerman vlerëson veçanërisht teknikën dhe taktikat e tij

Për këtë arsye, sipas të njëjtit burim, klubi katalanas nuk ka ndërmend të vendosë një çmim për transferimin e tij, por dëshiron ta mbajë atë në sezonet e ardhshme.

Foto/ Depositphotos