Fridkin ka ndërmend ta shesë Evertonin

Pas vetëm dy vjetësh, Evertoni mund të ndryshojë përsëri pronësinë, pasi "Fridkin Group" po mendon seriozisht për shitjen e klubit. "Fridkin Group" është gjithashtu pronar i Romës.

"Fridkin Group" po shqyrton opsione të reja investimi për Evertonin. Duke përfshirë edhe shitjen e një pjese potenciale të paketës kontrolluese të aksioneve. Kur "Fridkin Group" u bë pronar i Evertonit, klubi u përball me pasiguri të konsiderueshme financiare dhe sfida si në fushë ashtu edhe jashtë saj. Prioritetet e menjëhershme ishin stabilizimi financiar, sigurimi i së ardhmes së klubit dhe stadiumi i ri i premtuar prej kohësh. Tani që themelet janë vendosur, është koha e duhur për të shqyrtuar një kapitull të ri për Evertonin", njoftoi "Fridkin Group".

Duket qartë se "Fridkin Group", respektivisht drejtuesi i saj, biznesmeni amerikan Dan Fridkin, ka vendosur të "shpërbëjë" portofolin e tij. Përveç se është pronar i Romës, e cila për herë të parë pas shumë vjetësh është përfshirë seriozisht në garën për Skudeton, Fridkin tani është i përkushtuar seriozisht në krijimin e një franšize në NHL, e cila do të kishte bazën në Houston.

Dhe ku ishte Evertoni në listën e prioriteteve të Fridkin, ndoshta më qartë e shpjegoi trajneri i "Karamelit", David Moyes. Ai deklaroi se nuk e ka takuar kurrë Fridkinin, megjithëse u rikthye në Everton në janar 2025.

Foto/ Depositphotos