Como thyen disa rekorde në natën shkëlqyese në Lens
Me fitoren spektakolare 9:1 ndaj Lens, Como shkroi historinë e Ligës së Kampionëve dhe futbollit italian, duke thyer disa rekorde në garën elitare evropiane.
Ekipi i Cesc Fàbregas u bë klubi i parë italian që shënoi nëntë gola në një ndeshje të një gare evropiane.
Como është gjithashtu ekipi i parë italian që shënoi të paktën shtatë gola si mysafir në Ligën e Kampionëve.
Më impresive akoma – asnjë ekip nuk ka shënuar nëntë gola si mysafir në garën elitare evropiane që nga viti 1971.
Në epokën moderne të Ligës së Kampionëve, vetëm Bayern Munich para Comos arriti të shënojë nëntë gola në një ndeshje, kur mundi Dinamo Zagreb me 9:2 në vitin 2024.
Me rezultatin 9:1, Como vendosi një rekord të ri në Ligën e Kampionëve për fitoren më të thellë të një ekipi mysafir.
Rekordi i mëparshëm ishte diferenca prej shtatë golash dhe mbahej nga tre ekipe.
Në vitin 2010, Marseille mundi Žilina-n me 7:0, në vitin 2014, Shakhtar mundi BATE Borisov me të njëjtin rezultat, ndërsa në vitin 2017, Liverpool mundi Maribor me 7:0.
Kjo fitore është historike edhe kur shihen të gjitha klubet italiane në garat evropiane.
Derisa më parë, fitoret më të mëdha si mysafir të ekipeve nga Serie A ishin Atalanta me 8:0 ndaj Sarajevos në 2018 në kualifikimet për Ligën e Evropës dhe Milan me 8:0 ndaj Union Luxembourg në vitin 1961.
Tani me nëntë gola të shënuar, Como shkoi një hap më tej dhe regjistroi një nga netët më të pabesueshme evropiane në historinë moderne të futbollit italian.
Foto/ Depositphotos
