Fanella e Jordanit u shit për 14 milionë dollarë
Fanella e legjendarit Michael Jordan, të cilën e veshi dhe e nënshkroi gjatë serisë finale të NBA-së në vitin 1998, u shit për plot 14 milionë dollarë, që është shuma më e lartë e paguar ndonjëherë për suvenire basketbolli.
Shitjen e konfirmoi shtëpia e ankandeve „Hunt Auctions“, e cila deklaroi se blerësi është Ron Firman, investitor në pasuri të paluajtshme nga Majami.
Bëhet fjalë për fanellën e kuqe që Jordan e veshi më 5 qershor 1998, gjatë ndeshjes së dytë të finales kundër Juta. Çikago fitoi me rezultatin 93:88, ndërsa Bulls në fund morën titullin me fitore në seri prej 4:2. Kjo ishte unaza e gjashtë dhe e fundit kampionati për Jordanin.
Kjo shumë thyen rekordin për suvenire basketbolli, ndërsa mes fanellave të veshura në ndeshje, vetëm një shumë më e madhe është paguar për fanellën e legjendës së bejsbollit Babe Ruth, e cila u shit në vitin 2024 për 24.12 milionë dollarë.
Fanellat e Jordanit nga sezoni i tij i fundit kampion vazhdojnë të arrijnë çmime të pabesueshme.
Fanella nga ndeshja e parë e finales u shit në vitin 2022 për rreth 10.1 milionë dollarë, ndërsa fanella nga ndeshja e tretë arriti afërsisht 12.3 milionë dollarë muajin e kaluar.
Foto/ depositphotos
