Organizatorët e "Topit të Artë" paralajmëruan padi

Grupi "Amauri", pronar i gazetës së përditshme "L'Equipe" dhe revistës "France Football", i cili jep çmimin "Topi i Artë", planifikon të ngrejë padi për shkak të pretendimeve për rrjedhje informacioni dhe basteve potencialisht të rreme lidhur me fitoren e Harry Kane, njoftoi AFP.

"Integriteti i 'Topit të Artë' është prioritet absolut", njoftoi grupi "Amauri" në një deklaratë për mediat dërguar AFP dhe konfirmoi se "merr shumë seriozisht pretendimet për rrjedhje rezultatesh dhe basteve potencialisht të rreme".

Portali financiar i lajmeve "Upside" publikoi në ditët e fundit se disa baste potencialisht të dyshimta janë vendosur në platformën e basteve "Polimarket", e cila nuk ka licencë për të operuar në Francë, para ceremonisë që u mbajt të martën e kaluar në Londër.

Sipas "Upside", vetëm disa ditë para ceremonisë, pothuajse 265,000 dollarë u depozituan përmes 12 llogarive, të cilat besohet se i përkasin të njëjtit person. Renditja e pesë kandidatëve të parë për Topin e Artë është parashikuar saktësisht: Harry Kane, Kylian Mbappé, Lamin Jamal, Rodri dhe Lionel Messi.

"Po kryhen verifikime për të përcaktuar faktet dhe për të zbuluar se kush mund të jetë përgjegjës", njoftoi "Amauri Group".

Foto/ EPA