Romero nuk ka dilemë se kush duhet të marrë "dhjetën" në përfaqësuesen e Argjentinës

Lionel Messi u nda nga fanella e përfaqësueses së Argjentinës muajin e kaluar, dhe shumë pyeten se kush do të mbajë fanellën me numrin dhjetë.

Kapiteni i ri, Cristian Romero, gjithashtu foli për këtë, dhe ai nuk ka dilemë se kujt duhet t’i përkasë fanella kult me numrin dhjetë.

"Nëse do të duhej unë të vendosja, do t’i jepja fanellën me numrin dhjetë Julian Alvarez. Nuk kam asnjë dilemë për këtë", tha Romero.

Mbrojtësi me përvojë thotë se "dhjeta" duhet t’i jepet njërit prej përfaqësuesve më me përvojë që janë në ekip prej kohësh, sepse ka frikë se një përgjegjësi e tillë do të ishte shumë e madhe për lojtarët më të rinj.

Kush do të marrë "dhjetën" do të bëhet i ditur këtë muaj kur Argjentina do të luajë dy ndeshje miqësore.

Ata do të luajnë ndeshjen e tyre të parë më 13 nëntor në "Bombonera" kundër Uruguait, dhe më pas katër ditë më vonë do të përballen me Kostarikën në Kordoba. Këto do të jenë ndeshjet e para të Argjentinës pa Messin.

Foto/ EPA