(VIDEO) Apple prezanton MacBook Pro dhe iMac me çipin e ri M6
Apple prezantoi një MacBook Pro të ri 14-inç dhe iMac, të cilët funksionojnë me çipin M6 dhe ofrojnë performancë të përmirësuar grafike dhe AI.
MacBook Pro ofron deri në 24 orë jetëgjatësi baterie – që është rekord për kompjuterët Mac – me një çmim fillestar prej 1.999 dollarë. Çmimi fillestar për iMac është 1.499 dollarë.
Paraporositë filluan në 35 vende dhe rajone, përfshirë SHBA-në, ndërsa shitjet janë planifikuar për 6 nëntor.
Sipas Apple, MacBook Pro me çipin M6 ofron deri në 30% performancë më të mirë grafike dhe kryen detyrat e AI deri në 25% më shpejt krahasuar me paraardhësin, i cili përdorte çipin M5. Bateria zgjat deri në 24 orë.
iMac-u i ri sjell përparime edhe më të rëndësishme në fushën e inteligjencës artificiale, duke ofruar deri në pesë herë performancë më të mirë për detyrat e AI që kryhen direkt në pajisje, krahasuar me modelin e mëparshëm të pajisur me çipin M4.
