(VIDEO) Një arush sulmoi një djalë: Telefoni shpërtheu dhe i shpëtoi jetën

Një djalë pesëmbëdhjetëvjeçar mbijetoi një sulm nga një arush falë një telefoni celular, i cili dyshohet se shpërtheu në momentin kur kafsha filloi ta sulmonte.

Arushi e kafshoi pajisjen, e cila ndodhej në xhepin e pasëm të pantallonave të djalit; shpërthimi që ndodhi frikësoi kafshën dhe e detyroi të tërhiqej.

Sulmi ndodhi në republikën ruse Altaj, ndërsa djali po kontrollonte kosha me bletë. Pasi vuri re një arush të egër, djali u ngjit në një pemë, por kafsha e zemëruar e zbriti poshtë, filloi ta kafshonte dhe ta lëndonte me thonjtë e saj, njoftoi Komiteti Hetimor i Rusisë.

Sipas informacioneve në dispozicion, telefoni atëherë shpërtheu dhe u përfshi nga flakët, gjë që frikësoi arushin dhe ndërpreu sulmin.

"E dëgjova duke bërtitur, u ktheva dhe pashë që arushi po e tërhiqte nga pema, kështu që lëshova qentë", rrëfeu një burrë 24-vjeçar që ishte me djalin.

"Kur arushi i futi dhëmbët në pjesën e pasme të trupit të djalit, bateria e telefonit në xhepin e tij shpërtheu, duke frikësuar kafshën", raportuan mediat lokale.