Alarm i ri në Evropë: në avion u gjet një mesazh me mbishkrimin „bombë“

Në një avion që fluturonte nga qyteti italian Peskara drejt aeroportit Sharlroa në Bruksel u shpall alarm, i cili doli të jetë i rremë, njoftuan sot mediat italiane.

Pak pas ngritjes nga Italia, në tualetin e avionit u gjet një mesazh ku shkruhej „bombë“, pas së cilës piloti menjëherë njoftoi kontrollin e fluturimit, dhe pasi avioni u ul në Bruksel, u iniciua një protokoll krize, njoftoi portali „Peskara“.

Udhëtarët u evakuan në mënyrë të sigurt dhe u kontrolluan me kujdes me ndihmën e qenve policorë për zbulimin e eksplozivëve. Pas një kontrolli të detajuar të avionit dhe bagazhit, u konfirmua zyrtarisht se bëhej fjalë për një alarm të rremë.
„Drejtoria e shtabit të krizës, së bashku me bashkëpunimin e ngushtë me të gjitha shërbimet kompetente, mundësoi zgjidhjen sa më të shpejtë të incidentit, pa ndërprerje të mëtejshme të punës së aeroportit“, sipas njoftimit të shërbimeve aeroportuale.

Më herët sot, rreth 20 fluturime nëpër Evropë ishin objekt i njoftimeve të rreme për bomba.

Avioni që vinte nga Varshava u ul në aeroportin e Brukselit këtë mëngjes pasi mori një njoftim të dyshimtë.

Bazuar në hetimin policor, u vlerësua se nuk ishin të nevojshme masa shtesë sigurie.