Zaharova: Për momentin nuk shoh asnjë përparim të vërtetë në marrëdhëniet mes Moskës dhe Uashingtonit

Për momentin nuk mund të flasim për një përparim të vërtetë në marrëdhëniet mes Rusisë dhe Shteteve të Bashkuara të Amerikës, deklaroi zëdhënësja e Ministrisë ruse të Punëve të Jashtme, Marija Zaharova.

"Më duket se nuk mund të flasim për asnjë përparim të vërtetë. Thjesht, nuk ka asnjë lëvizje apo përparim në zgjidhjen e çështjes së kthimit të pronës diplomatike ruse të konfiskuar dhe rikthimit të trafikut të drejtpërdrejtë ajror", tha ajo në një konferencë për shtyp.

Zaharova e përshkroi takimin e ministrit rus të Punëve të Jashtme, Sergej Lavrov, me sekretarin amerikan të Shtetit, Mark Rubio, në margjinat e samitit të G20 si "kontakte të realizuara".

"Kryediplomatët e Rusisë dhe SHBA-së diskutuan për agjendën bilaterale dhe disa aspekte të bashkëpunimit bilateral në platforma multilaterale, duke përfshirë Kombet e Bashkuara, grupin G20 dhe APEC-in", shpjegoi ajo.

Sidoqoftë, siç theksoi diplomati rus, "dialogu me palën amerikane, i cili vazhdon në nivele të ndryshme, ka një karakter biznesi në përgjithësi".

Foto: EPA