Izraeli i zemëruar për Çmimin Nobel për Paqe: „Goebbels duartrokitet nga ferri“

Izraeli kritikoi ashpër dhënien e Çmimit Nobel për Paqe avokates jugafrikane Navi Pillay.

"Nëse do të kishte një çmim për gënjeshtra, urrejtje dhe shpifje të përgjakshme, Navi Pillay nuk do të ishte vetëm kandidate. Ajo do të ishte udhëheqëse", shkroi Ministria izraelite e Punëve të Jashtme në platformën X.

"Roli i saj në demonizimin aktual, të motivuar politikisht, të Izraelit flet vetë për vete", shtohet në reagim.

"Goebbels duartrokitet nga ferri"

Ministria izraelite e Punëve të Jashtme njoftoi se Komiteti Nobel "i ka dhënë gënjeshtrën më të madhe të shekullit 21", duke përsëritur përgjigjen e fundit të kryeministrit Benjamin Netanyahu ndaj akuzave se vendi i tij po kryen gjenocid në Rripin e Gazës.

"Joseph Goebbels sigurisht duartrokitet nga ferri", shtohet në postim.

"Dhënia e Çmimit Nobel për Paqe Navi Pillay nuk është një njohje e drejtësisë. Është një kthim grotesk i çmimit në një armë për legjitimimin e urrejtjes dhe paragjykimeve ndaj Izraelit", njoftoi Ministria e Punëve të Jashtme.