DOM: Kur reformat janë vetëm dekor, çmimin e paguajnë qytetarët
Raporti më i ri i Komisionit Evropian për përparimin e Maqedonisë për vitin 2026 përsëri zbulon dobësitë sistemike të shtetit. Pas retorikës evropiane të pushtetit qëndrojnë një drejtësi e bllokuar, korrupsion i pandëshkuar, reforma zgjedhore të harruara dhe një vonesë serioze në mbrojtjen e mjedisit, thonë nga DOM.
„Dhe mesazhet e raportuesit evropian Thomas Vaitz për nevojën për tejkalimin e ngërçit dhe përshpejtimin e integrimit evropian theksojnë më tej rëndësinë e reformave të vërteta, jo vetëm deklarative.
Rastet e korrupsionit të lartë vazhdojnë të vonohen dhe shpesh kalojnë afatin, ndërsa ndikimi politik mbi drejtësinë minon themelin e shtetit ligjor. Në të njëjtën kohë, sistemi zgjedhor mbetet i bllokuar – DOM insiston në zbatimin urgjent të rekomandimeve të OSBE/ODIHR përmes një njësi zgjedhore, lista të hapura dhe 50% përfaqësim të grave, në mënyrë që zëri i çdo qytetari të ketë më në fund peshë reale.
Gjendja në Kapitullin 27 (Mjedisi dhe ndryshimet klimatike) është veçanërisht shqetësuese. Ndërsa paralajmërohen investime të mëdha, Ligji për veprimin klimatik ende nuk është miratuar, menaxhimi i mbeturinave është në krizë serioze, dhe ndotja e ajrit dhe ujërave kërcënon drejtpërdrejt shëndetin publik.
Nuk mund të flitet për zhvillim pa përgjegjësi klimatike dhe mbrojtje të mjedisit, as për vlera evropiane derisa institucionet nuk sigurojnë mbrojtje adekuate nga dhuna me bazë gjinore dhe femicidet.
Për DOM, këto dobësi janë produkt i institucioneve të partizuar që vendosin interesat politike dhe biznesore para interesit publik. Nuk ka tranzicion të gjelbër pa sundim të ligjit, as të ardhme evropiane me reforma në letër.
Çmimin e një shteti jo funksional nuk e paguajnë elitë politike. E paguajnë qytetarët – me ajër të ndotur, mjedis të pasigurt, padrejtësi, besim të humbur dhe mundësi të humbura“, thuhet në deklaratën e partisë.
