Ferati dhe Krois diskutuan për reformat dhe situatën e sigurisë në vend

Ministri Agon Ferati zhvilloi një takim me Dominika Krois, shefe e Zyrës së Organizatës së Kombeve të Bashkuara në Beograd, ku u diskutuan ngjarjet aktuale në Maqedoninë e Veriut, proceset integruese dhe rëndësia e bashkëpunimit ndërkombëtar në drejtim të përmirësimit të agjendës euroatlantike të vendit.

Gjatë takimit u theksua përkushtimi për forcimin e institucioneve demokratike, sundimin e ligjit, respektimin e të drejtave të njeriut dhe promovimin e vlerave të përbashkëta evropiane si shtylla të rëndësishme për stabilitetin dhe zhvillimin e qëndrueshëm të vendit.

Ministri theksoi rëndësinë e bashkëpunimit me Organizatën e Kombeve të Bashkuara dhe partnerët ndërkombëtarë në mbështetje të reformave dhe përparimit të Maqedonisë së Veriut drejt integrimit euroatlantik. Në këtë drejtim, u riafirmua nevoja për dialog të vazhdueshëm, partneritet institucional dhe koordinim të përbashkët në përballjen me sfidat rajonale, forcimin e paqes dhe sigurisë, si dhe në ndërtimin e një të ardhmeje më të qëndrueshme, më gjithëpërfshirëse dhe më prosperuese për qytetarët.