Levica: BDI-ja i jep arin maqedonas, bakrin dhe argjendin në Probishtip dhe Kratovë plotësisht në duart e një kompanie australiane
Qeveria e Mickoskit po shtyn hapjen e minierës "Plavica – Crn Vrv" në Kratovë dhe Probishtip, por pas fjalëve për "investime" dhe "zhvillim ekonomik" fshihet një fakt KATASTROFIK: ari, bakri dhe argjendi maqedonas do të shfrytëzohen nga një kompani në pronësi 100% të kapitalit australian, thonë nga Levica përmes një njoftimi.
"Historia fillon në vitin 2009, kur koncesionet për kërkimin në "Plavica dhe Crn Vrv" i merr "Sileks" nga Kratova, dhe më pas në projekt hyn kompania australiane Genesis Resources Limited. Në vitin 2015 Qeveria nënshkruan kontratë për një koncesion 30-vjeçar për shfrytëzimin e arit, bakrit dhe argjendit me "Silgen Resources International". Atëherë Genesis zotëronte 62%, ndërsa partneri i lidhur me "Sileks" 38%.
Por, në vitin 2024 Genesis merr edhe pjesën e mbetur prej 38%. Sot "Silgen Resources International", mbajtësi formal i koncesionit, është 100% në pronësi të Genesis Resources Limited australiane. Kështu, ndërsa Maqedonia ka minierën nën tokën e saj, kapitali i huaj ka të drejtën ta nxjerrë dhe shesë atë.
Dhe ndërsa Qeveria e paraqet këtë si "investim të ri", realiteti është se pasuria natyrore maqedonase është dhënë me koncesion 30-vjeçar, dhe kontrolli mbi projektin përfundoi plotësisht te kompania australiane. Ari, bakri dhe argjendi mbeten maqedonas vetëm sa janë nën tokë – sapo nxirren, fitimi shkon te KONCESIONARI.
BDI-ja heq dorë nga kontrolli i drejtpërdrejtë mbi burimet e veta dhe më pas krenohet me të ardhurat minimale që ka mbledhur nga ata të cilëve u ka dhënë të drejtën t’i shfrytëzojnë", thuhet në njoftim.
