„Levica nuk është vetëm parti ruse, por edhe Maqedonia e do në BRICS“, thonë nga LSDM

„Dimitar Apasiev, së bashku me Redzep Ismail-Haktan dhe Aleksandar Simonov, morën pjesë në një forum të BRICS në Moskë. Takime me përfaqësues të Bashkimit Ekonomik Euroaziatik dhe Bashkimit Rus të Prodhuesve. Në njoftimin e Levicës shkruhet: Maqedonia ka interes të zgjerojë horizontet diplomatike dhe ekonomike drejt qendrave të reja globale. Nuk ka më maska. Nuk ka "levicë autentike". Ka takim me Zyuganov, njeri në listën e zezë të Amerikës“, thonë nga LSDM.

„Ka forum të BRICS në Moskë. Ka qëndrim të qartë kundër NATO-s dhe BE-së. Në një vend anëtar të NATO-s, me partner strategjik Amerikën, me mbi 80 përqind mbështetje për rrugën euroatlantike.

Levica nuk është opozitë. Levica është satelit, satelit i Mickoskit. Anti-BE, anti-NATO, kundër Amerikës.

Levica është anti-punëtorët. Nuk votoi për pagën minimale prej 600 eurosh. Anti-demokraci. U ul në tryezë me platformën ZNAM 2.0 të Mickoskit, që kërkon çelësat nga LSDM. Tani edhe zyrtarisht me Zyuganov dhe me BRICS.

Qytetarët po shohin. Parti që betohet për të drejtat e punëtorëve, por sallë bosh për pagën.

Parti që betohet për sovranitet, por shkon në takim në Moskë për BRICS. I njëjti telekomandë që mban edhe Mickoski. LSDM nuk ulet në atë tryezë. Populli nuk ulet në atë tryezë. Maqedonia nuk dëshiron të jetë periferi e Moskës, guvernatori rus dhe provincë ruse.

Rusia ka katër vjet që bën luftë, e izoluar me sanksione. Këtë mbështet Levica. I plotëson Mickoskit gjithçka për izolim dhe varfëri.

BRICS nuk është e ardhmja e Maqedonisë. E ardhmja është BE-ja, ligj për të gjithë dhe prokurori i pavarur evropian dhe Laura Koveshi. E banda, të përgjigjet“, njoftoi LSDM.