LSDM: Sime nuk është në burg, blen vota në Brvenicë për VMRO-OKG
„Për kriminelin S.Z., i njohur si Sime, LSDM publikoi një album të tërë fotografish me hajdutin Mickoski. Vite me radhë në shoqëri të hajdutit në turne në terren. Arrestuar me një sasi të madhe droge, armë, municione dhe para. E gjithë Maqedonia pa video ku qëllon me kallashnikov në një tubim me flamuj të VMRO-së. E panë edhe në fotografitë nga 27 prilli para Kuvendit. Një video tjetër ku citon Shexhelin para flamurit rus. VMRO fillimisht tha „vetëm një fotografi“. Pastaj dolën më shumë. Që atëherë heshtje. Institucionet heshtin. Hajduti Mickoski kurrë nuk u përgjigj“, theksojnë nga LSDM.
Tani i njëjti Sime, siç shtojnë, në vend që të vuajë dënimin, kërcënon dhe blen vota në Brvenicë për VMRO-OKG, së bashku me katër trafikantë të dënuar të tjerë.
„Sime u arrestua në kohën kur 5 ton drogë kaluan nga Maqedonia dhe u sekuestruan në Serbi, pranë SNS-së motër, në fshatin Konjuh pranë Krushevcit. Gjatë arrestimit thanë se droga ishte nga Bata Gashić – ish-ministër i mbrojtjes, më parë ministër i policisë dhe drejtor i BIA-s.
Sime u lirua për të paguar dhe për të kërcënuar në Brvenicë.
Kjo është kthim në kohën e errësirës së Gruevskit dhe Mijallkovit. Blerje votash.
Kontroll mbi grupet e cenueshme. Mbrojtje e kriminelëve që punojnë për bandën“. LSDM, theksojnë nga partia, kërkon që prokuroria menjëherë të hetojë: „pse Sime nuk është në burg, kush e liroi dhe si bashkë me katër trafikantë të dënuar blen vota për VMRO-në në Brvenicë.
Si është e mundur që një person i arrestuar me drogë dhe armë të punojë për pushtetin në vend që të përgjigjet?!
Mickoski dhe banda po kthejnë sistemin e Gruevskit“.
