Mickoski: Lajm i mirë për Maqedoninë! Vazhdojmë të ndërtojmë, të lidhim dhe të krijojmë mundësi të reja!

Sot është fillimi i ndërtimit të segmentit të autostradës Bukojçani – Kërçovë, një projekt tjetër i rëndësishëm infrastrukturor dhe një hap i rëndësishëm drejt qëllimit tonë të madh, lidhjen e plotë autostradale midis Shkupit dhe Ohrit, njoftoi përmes rrjeteve sociale kryeministri Hristijan Mickoski.

"Me realizimin e projekteve Kërçovë – Ohër, Gostivar – Bukojçani, Tetovë – Gostivar dhe Bukojçani – Kërçovë, krijojmë bazën infrastrukturore për transport më të shpejtë, siguri më të madhe, investime të reja dhe zhvillim ekonomik më të fuqishëm të Maqedonisë.

Pas viteve të vonesave dhe mundësive të humbura, Maqedonia meriton vepra, jo justifikime. Ndërsa opozita vazhdon me kritika boshe dhe përplasje politike, përgjigjja jonë janë projektet konkrete që do t'u shërbejnë qytetarëve dhe brezave të ardhshëm.

Veprat janë karakteristika jonë, dhe zhvillimi i Maqedonisë është detyra jonë! Maqedonia ndërtohet, lidhet dhe ecën përpara!", shton Mickoski.