Toshkovski: Kamerat kontribuojnë në uljen e aksidenteve rrugore, do të analizohen pikat e zeza

Ministri i Punëve të Brendshme Pançe Toshkovski deklaroi se numri i viktimave në aksidentet rrugore është zvogëluar ndjeshëm krahasuar me vitet e mëparshme, duke vlerësuar se vendosja e kamerave në kuadër të projektit „Safe City“ kontribuon në përmirësimin e sigurisë në rrugë.

Sipas shifrave që prezantoi, deri tani janë regjistruar 85 viktima në aksidente rrugore, në krahasim me 117 në periudhën përkatëse të vitit të kaluar.

„Shifrat janë përmirësuar në mënyrë drastike në krahasim me vitet e mëparshme. Fatkeqësisht, kemi 85 viktima, që është shumë më pak se vitin e kaluar kur kishim 117 dhe shumë më pak se të gjitha vitet e tjera“, deklaroi Toshkovski.

Ai theksoi se vëzhgimet fillestare tregojnë një ulje të numrit të aksidenteve rrugore pas vendosjes së kamerave, por paralajmëroi edhe nevojën për një analizë më të thellë të situatës.

Sipas ministrit, duhet t'i kushtohet vëmendje e veçantë ashtuquajturave „pika të zeza“, domethënë vendet ku ndodhin aksidente rrugore me pasoja vdekjeprurëse, për të përcaktuar se ku janë të nevojshme masa shtesë për përmirësimin e sigurisë.