ZNAM: Me iniciativën tonë filluan inspektimet në kantieret aktive në Qendër

Me iniciativën e këshilltarëve nga Lëvizja ZNAM – Për Maqedoninë tonë, kanë filluar inspektimet në kantieret aktive në territorin e Komunës Qendër, theksojnë nga ZNAM.

„Ashtu siç premtuam, ashtu vepruam.
Sipas kërkesës sonë, Këshilli i Komunës Qendër i ngarkoi kryetarin dhe shërbimet kompetente të kryejnë kontroll mbi të gjitha kantieret aktive, me qëllim që të përcaktohet nëse respektohen rregulloret ligjore dhe masat e sigurisë.
Inspektimet tashmë kanë filluar, çka konfirmon se institucionet mund dhe duhet të veprojnë kur ekziston një iniciativë dhe kërkesë e qartë për përgjegjësi.
Por, për Lëvizjen ZNAM kjo nuk duhet të jetë vetëm një aktivitet një herë, as disa kontrolle para kamerave.
Iniciativa jonë parashikon kontroll sistematik të të gjitha kantierëve aktivë, përcaktimin dhe publikimin e parregullsive të konstatuara, marrjen e masave të përshtatshme dhe vendosjen e një mbikëqyrjeje të vazhdueshme inspektuese“.

Partia kërkon që raportet nga kontrollet e kryera të jenë të disponueshme publikisht, në mënyrë që qytetarët të kenë një pamje të plotë mbi gjendjet dhe veprimet e shërbimeve kompetente.

Njoftojnë se do të ndjekin nëse kryetari dhe shërbimet kompetente të Komunës Qendër do ta zbatojnë iniciativën në tërësi.

„Institucionet nuk duhet të reagojnë vetëm pasi të shfaqet një problem ose të ndodhë një aksident.
Detyra e tyre është të njohin dhe parandalojnë rreziqet në kohë. Nuk ka kompromis me sigurinë e qytetarëve. Banorët e Qendrës meritojnë institucione që punojnë me përgjegjësi, veprojnë në kohë dhe kryejnë detyrën e tyre çdo ditë, e jo vetëm kur dikush i kujton për detyrimet e tyre.