Kjo nuk ka ndodhur në Serie A për 5.836 ditë
Futbollistët e Lazio-s janë hit në futbollin evropian këtë sezon.
Seria e skuadrës së Gennaro Gattuso-s vazhdoi edhe të dielën, kur Cagliari u mund me 2:1 në Romë, dhe pas humbjes së Interit në derbin kundër Milanit (3:1), Lazio u bë lider i vetëm në tabelë.
Lazio ka 28 pikë, Interi 25, Roma 24, Como 23 pikë…
Për herë të parë, "Qiellorët" janë vetëm në vendin e parë në tabelë pas 5.836 ditësh.
Lazio arriti fitoren e nëntë në dhjetë xhirot e para të ligës, dhe Gennaro Gattuso nuk dëshiron që lojtarët e tij të fillojnë të mendojnë herët për garën për Scudetto-n.
"Është më mirë të mos shikojmë tabelën tani, sepse ndoshta do na rrotullohet koka. Duhet të punojmë fort, të pushojmë, dhe pastaj të vazhdojmë me të njëjtin ritëm", tha Gattuso.
Trajneri i Lazio-s theksoi veçanërisht sa e rëndësishme është ruajtja e besimit dhe unitetit, pa të cilat, sipas tij, skuadra humbet atë që e dallon.
"Kjo është një skuadër që beson në vetvete. Punojmë, nuk ankohemi dhe nuk dorëzohemi. Pa atë frymë, bëhemi një skuadër e zakonshme", tha Gattuso.
Në xhiron e 11-të, skuadra e Lazio-s përballet me një sfidë të madhe, pasi të dielën luan në transfertë ndaj Napolit.
Foto/ EPA
