(Video) Spektakël në pjesën e parë – Milani e mund Interin

Milani e mundi Interin me 3:1 (3:1), në javën e 10-të në Serie A. Kampioni aktual i Italisë u dorëzua para kundërshtarit në formë dhe pësoi humbjen e parë në sezon në kampionatin vendas. Interi, me një ndeshje më shumë, mbeti në bashkëudhë me Lazion në vendin e parë, ndërsa Milani u ngjit në vendin e katërt, me 21 pikë, katër më pak se dy ekipet kryesuese.

Pjesa e parë, në "Derbi della Madonnina", ishte një nga më të mirat e dekadës së fundit.

Milani nokautoi rivalin qytetar në dhjetë minutat e para, me golat e Pulisic dhe Rabiot.

Shpresat e Interit i riktheu Bastoni në minutën e 22-të. Më pas Interi mori iniciativën, ushtroi presion mbi mbrojtjen e Milanit dhe krijoi disa raste. Portieri Mike Maignan u dallua veçanërisht, duke ndaluar goditjen e Spence nga afër me një ndërhyrje fantastike.

Megjithatë, fundi i pjesës së parë i takoi "rosonerëve", më saktë Diego Moreira. Në minutën e 43-të, Nicolo Barella faulloi Yunus Musan në kufirin e zonës së 16-metërshes, dhe belgji i ri me një goditje fantastike shënoi dhe vendosi rezultatin përfundimtar.

Foto/ EPA