Krista Pajk rikthehet në burg pas dënimit të dështuar me vdekje

Amerikania Krista Pajk (50), e dënuar me vdekje, është liruar nga spitali dhe rikthyer në burg pasi mbijetoi një tentativë ekzekutimi më 30 shtator, raporton BBC.

Pajk, e cila ka kaluar 30 vitet e fundit në burg, do të vazhdojë të marrë kujdes mjekësor, njoftuan avokatët e saj.

Më 30 shtator i janë dhënë dy injeksione vdekjeprurëse me pentobarbital, por ajo mbijetoi dhe u dërgua në spital në gjendje kritike. Të martën u zgjua dhe filloi të flasë përsëri, gjë që i habiti mjekët dhe avokatët.

Fjalët e saj të para ishin: „Ku jam?“ dhe „Kush jeni ju?“

„Ajo është mirënjohëse ndaj shërbimeve të emergjencës dhe ekipit mjekësor për kujdesin që i kanë dhënë në këto rrethana të jashtëzakonshme“, njoftuan avokatët.

Ende nuk dihet nëse autoritetet në shtetin amerikan të Tenesit do të caktojnë një datë të re për ekzekutimin. Një gjykatës ka urdhëruar ruajtjen e të gjitha provave lidhur me ekzekutimin e dështuar për shkak të mundësisë së një padie të ardhshme kundër shtetit.

Pajk u dënua me vdekje për vrasjen e Colin Slemer, 19 vjeçe, e cila në vitin 1995, kur Pajk ishte 18 vjeçe, u rrah, u torturua dhe u vra së bashku me të dashurin e saj atëherë, Tadaril Ship.