6.000 administrativë, nga punësimi i përkohshëm, marrin punësim të përhershëm me ligjin e propozuar
Rreth 6.000 administrativë në vend të punësimit të përkohshëm do të marrin punësim të përhershëm me ligjin e propozuar për transformim në marrëdhënie pune të rregullt. Ky numër personash, të cilëve do t'u zgjidhet problemi, që punojnë prej vitesh me kontrata pune, honorare, kontrata autoriale ose përmes agjencive për punësim të përkohshëm, sot e tha kryeministri Kristian Mickoski.
„Në pothuajse të gjitha sektorët numri është rreth 6.000 punonjës që janë me kontrata pune, me punësime të përkohshme dhe kështu me radhë“, u përgjigj shkurt kryeministri Mickoski sot në pyetjen për numrin e administrativëve që do të përfshihen me ligjin e propozuar për transformim në marrëdhënie pune të rregullt.
Ligji i propozuar për transformim në marrëdhënie pune të rregullt dje u prezantua nga Bojan Stojanoski, deputet nga grupi parlamentar i VMRO-DPMNE-së dhe koalicionit „Maqedonia Jote“ dhe tha se me zgjidhjen e propozuar po korrigjohet një padrejtësi dekadash.
Zgjidhja përfshin organet e pushtetit shtetëror, institucionet publike të përcaktuara në fushën e shëndetësisë, kulturës, mbrojtjes së fëmijëve dhe sociale, njësitë e vetëqeverisjes lokale, ndërmarrjet publike, institucionet, fondet dhe institucionet e tjera të përcaktuara me ligj. Nga kjo zgjidhje ligjore përjashtohen shoqëritë aksionare, personeli ushtarak dhe civil në shërbim në Ushtri pranë Ministrisë së Mbrojtjes, shkollat fillore dhe të mesme, konviktet e nxënësve dhe studentëve, institucionet e arsimit të lartë dhe shkencor, Ministria e Punëve të Brendshme, Agjencia për Siguri Kombëtare, Agjencia për Zbulim, Zyra për Siguri Publike, Drejtoria për Sigurinë e Informacioneve të Klasifikuara, Administrata për Policinë Financiare dhe Administrata për Zbulimin Financiar.
