"Borxh i ri prej 92 milionë euro më 20 tetor, sa të tjera?", pyet LSDM

"Shteti përsëri del në treg për të marrë borxh. 92 milionë euro letra shtetërore më 20 tetor. Një borxh tjetër, një shifër tjetër, miliona të tjera. Një vrimë tjetër. Një kredi tjetër që qytetarët do ta paguajnë. Sa të tjera? Mickoski bëri borxhe prej katër miliardë eurosh për dy vite", thonë nga LSDM.

"Gjysma e borxhit nga pavarësia. Rishikim i dytë, i tretë i paralajmëruar. Çdo javë dhjetëra miliona euro të reja mbi supet e popullit. Tani 92 milionë euro. Nesër përsëri.

Hajduti Mickoski mbush vrimat me borxhe të reja në vend që të bëjë buxhet për vitin e ardhshëm. Paratë shkojnë për tendera kriminalë, për Getën prej 5.53 milionë, për komisione. Jo për pensione. Jo për paga, jo për rritje të pagës minimale. Jo për bujqit.

Ministrja Koçovska flet për ekonomi të qëndrueshme. E qëndrueshme me 4 miliardë borxh? E qëndrueshme kur tri paga minimale nuk mbulojnë shportën me qira për një familje?

E qëndrueshme kur të rinjtë po paketojnë dhe largohen? Banka Botërore thotë se kemi një të tretën e standardit të BE-së. Jo ekonomi të tretë në Evropë. Një e tretë e standardit në BE.

Marzhi i borxhit nuk është zhvillim. Borxhi është faturë për brezat e ardhshëm. Ndërsa hajduti tregon përralla, shteti merr borxh. Populli paguan.

Qeveria do të kthehet në duart e qytetarëve. Banda do të përgjigjet. Para drejtësisë së pavarur dhe para Lauras Koveshi", thuhet në njoftimin e LSDM-së.