Kafshë të reja në Kopshtin Zoologjik të Shkupit për 100-vjetorin jubilar

Kopshti Zoologjik në Shkup mori banorë të rinj me rastin e shënimit të 100 vjetorit të ekzistencës së tij. Në kopsht arritën marat patagonike, zogj nandu, rosat me pendë, paunë të bardhë dhe lepurë, njoftuan nga Shkup ZOO.

Kafshët e reja aktualisht ndodhen në karantinë të detyrueshme, ku marrin kujdes të përshtatshëm dhe mbikëqyrje veterinare për t'u përshtatur në mënyrë të sigurt me mjedisin e ri.

Nga Kopshti Zoologjik paralajmërojnë se vizitorët së shpejti do të kenë mundësinë t'i shohin banorët e rinj.

"Vazhdojmë të pasurojmë botën e kafshëve në Kopshtin tonë dhe tuajin Shkup ZOO, me shumë dashuri dhe përkushtim ndaj kafshëve", thanë nga kopshti.

Këtë vit Kopshti Zoologjik në Shkup shënon një shekull nga ekzistenca e tij.