Klekovski: Kushtet çnjerëzore në institucionet psikiatrike duhet të mbeten në të kaluarën
Ministri i Shëndetësisë Sasho Klekovski sot, me rastin e Ditës Botërore të Shëndetit Mendor, hapi departamentin plotësisht të rindërtuar "Mashki 2" në Qendrën Shëndetësore Psikiatrike – Shkup (Bardovci).
Departamenti ka një sipërfaqe prej rreth 600 m², ndërsa për rindërtimin janë ndarë 300.000 euro.
"Para katër dekadash, gjatë studimeve të mia, një nga dy përvojat më të vështira ishin kushtet çnjerëzore në institucionet psikiatrike. Po punojmë që kjo të ndryshojë", deklaroi ministri Klekovski.
Me spitalin është rënë dakord që buxheti bazë të përfshijë fonde për rindërtim të vazhdueshëm, sepse kjo është e nevojshme për institucionet psikiatrike, të cilat kanë punuar për dekada në kushte të papërshtatshme.
Më parë janë rindërtuar të gjitha departamentet në Spitalin Special Psikiatrik Negorci, pjesë e Klinikës së Psikiatrisë Shkup, dhe pritet rindërtimi i Spitalit Psikiatrik në Demir Hisar.
Ministri Klekovski theksoi se kujdesi për shëndetin mendor nuk kufizohet vetëm në përmirësimin e kushteve në spitale. Që nga viti i kaluar, mjekët amë kanë një qëllim parandalues për zbulimin e hershëm të depresionit tek të rinjtë. Vitin e ardhshëm Ministria e Shëndetësisë planifikon të fillojë zbatimin e një projekti për qendra të shëndetit mendor për të rinjtë.
