Moti i ndryshueshëm me reshje lokale të përkohshme shiu, reshje më të bollshme të parashikuara për të hënën

Moti i ndryshueshëm me reshje lokale të përkohshme shiu. Në disa lugina do të ketë kushte për shfaqjen e mjegullës së mëngjesit. Do të fryjë erë e lehtë deri mesatare nga veriu. Temperatura minimale do të jetë në intervalin nga 6 deri në 12, ndërsa temperatura maksimale do të arrijë nga 12 deri në 19 gradë.

Në Shkup, kryesisht me re, në orët e mëngjesit do të ketë kushte për shfaqjen e mjegullës së lehtë. Do të fryjë erë e lehtë deri mesatare nga drejtimi verior. Temperatura minimale do të zbresë deri në 10, ndërsa temperatura maksimale do të arrijë deri në 15 gradë.

Moti në ditët në vijim
Pason një periudhë me mot të ndryshueshëm me reshje të përkohshme shiu me intensitet të ndryshueshëm. Reshje më të bollshme priten të hënën. Në orët e mëngjesit në disa lugina do të ketë kushte për shfaqjen e mjegullës. Deri në fund të kësaj periudhe do të fryjë erë e lehtë deri mesatare kryesisht nga drejtimi verior.