Moti këtë fundjavë: ndryshueshëm me reshje të herëpashershme shiu, të dielën reshjet do të jenë më të bollshme

Moti nesër do të jetë ndryshueshëm me re, në mëngjes me periudha me diell. Pasdite dhe në orët e mbrëmjes do të ketë reshje lokale të herëpashershme shiu. Në disa vende do të jetë i paqëndrueshëm me shi të rrëmbyeshëm dhe më të bollshëm, shfaqje bubullimash dhe erë të përforcuar. Temperatura minimale do të jetë në intervalin nga 7 deri në 15, ndërsa ajo maksimale do të arrijë nga 22 deri në 28 gradë.

Në Shkup, ndryshueshëm me re, pasdite do të ketë reshje të herëpashershme shiu. Në disa pjesë të luginës do të jetë i paqëndrueshëm me shi të rrëmbyeshëm, shfaqje bubullimash dhe erë të përforcuar. Temperatura minimale do të zbresë deri në 13, ndërsa ajo maksimale do të arrijë deri në 26 gradë.

Moti në ditët në vijim
Nën ndikimin e aktivitetit ciklonik deri në mes të javës së ardhshme, moti do të jetë ndryshueshëm me re dhe reshje të herëpashershme shiu. Të dielën në disa vende reshjet do të jenë më të bollshme mbi 20 l/m². Lokalitetet do të përjetojnë fenomene në formën e stuhive të shoqëruara me shi të rrëmbyeshëm, erë të përforcuar dhe shfaqje bubullimash.

Prej të hënës do të fryjë erë e fortë veriore, ndërsa temperatura ditore do të bjerë. Të martën, nën ndikimin e një vale më të ftohtë, reshjet në disa nga malet më të larta do të kalojnë në borë.