Pason periudha me mot të ndryshueshëm me reshje të herëpashershme, të cilat në malet më të larta do të jenë dëborë

Moti sot do të jetë me re të ndryshueshme, në mëngjes do të ketë reshje lokale të herëpashershme shiu. Do të fryjë erë mesatare, ndërsa përgjatë Vardarit do të jetë e forcuar, herë pas here erë e fortë nga drejtimi veriperëndimor. Temperatura minimale do të jetë në intervalin prej 8 deri në 14, ndërsa temperatura maksimale do të arrijë nga 16 deri në 22 gradë.

Në Shkup, mot me re të ndryshueshme me reshje të herëpashershme shiu. Do të fryjë erë mesatare deri e forcuar nga veriu. Temperatura minimale do të zbresë deri në 13, ndërsa temperatura maksimale do të arrijë deri në 20 gradë.

Moti në ditët në vijim

Nën ndikimin e një mase ajri të lagësht dhe të paqëndrueshme, pason periudha me mot të ndryshueshëm me reshje të herëpashershme, të cilat në malet më të larta do të jenë dëborë. Nga sot deri në fillim të fundjavës do të fryjë erë e fortë veriperëndimore, e cila herë pas here do të jetë e fuqishme në disa vende.