Qytet human i gjelbër: 73 mijë euro për një plagjiaturë të pafat, kështu Komuna e Shkupit do ta “zgjidhë” ndotjen

Aktivistët e iniciativës qytetare Qytet human i gjelbër reagojnë ndaj Planit për përmirësimin e cilësisë së ajrit.

"Në vitin 2026 na prezantohet si një "Plan i ri" për përmirësimin e cilësisë së ajrit në Shkup – një dokument prej 179 faqesh (!) në të cilin janë: kopjuar analiza të vjetra dhe shkencërisht të diskutueshme, përdorur të dhëna për popullsinë nga regjistrimi i vitit 2002, është marrë plotësisht struktura e planit të mëparshëm të përgatitur në kuadër të një projekti evropian, në bibliografi qëndrojnë shënime të papërfunduara si p.sh. "verify exact title and year" dhe "verify station name"".

Nga aty theksojnë se pjesë të tëra mbështeten në dokumente të mëparshme të përgatitura, pa përmendur në mënyrë të duhur autorët origjinalë.

"Për shembull, analiza për burimet e ndotjes është marrë së bashku me të gjitha mangësitë në hulumtimin e Mirakovskit dhe ekipit të tij pa e përmendur qartë këtë.
Dhe kjo plagjiaturë e shtrenjtë na prezantohet si një bazë serioze profesionale për zgjidhjen e një prej problemeve më të mëdha shëndetësore në Shkup!!!
Doktorë shkencash kanë lejuar që emrat e tyre të qëndrojnë pas një dokumenti me këto mangësi që në një vend normal nuk do të kalonte as si punim seminarik".

Shtesë, reagojnë nga Qytet human i gjelbër, ky dokument nuk është prezantuar në Këshillin për shqyrtim, për komente dhe korrigjime, as nuk janë njoftuar anëtarët e Këshillit, të zgjedhur ligjërisht nga qytetarët, për debat publik.

"Një nga arsyet pse ndotja në Shkup nuk zgjidhet për dekada është pikërisht kjo: në vend të analizave të thella, të pavarura shkencore dhe zbatimit të qëndrueshëm të masave progresive, po digjemi para publike që partiakët e paaftë të kopjojnë dokumente të vjetruara dhe të parëndësishme me përfundime që nuk vlejnë as pesë para".