Termini i pasigurt për Botërorin në Arabinë Saudite, opsioni i mundshëm është viti 2035

Botërori i futbollit në Arabinë Saudite, i parashikuar për vitin 2034, mund të mbahet në fillim të vitit 2035 për shkak të temperaturave të larta dhe përputhjes së mundshme të periudhës dimërore me Ramazanin.

Gazeta gjermane „Kicker“, duke iu referuar „Athletic“, ka transmetuar këtë mundësi, por nuk ka vendim të konfirmuar për shtyrjen e turneut.

Temperaturat e larta verore e bëjnë të vështirë mbajtjen e Botërorit në termin tradicional në qershor dhe korrik. Kampionati në Katar në vitin 2022 u zhvillua në nëntor dhe dhjetor, por në vitin 2034 kjo periudhë përkon me Ramazanin, gjë që e komplikon më tej zgjedhjen e datave.

Si një termin i mundshëm përmendet fillimi i vitit 2035, ndërsa AP më parë kishte përmendur edhe janarin e vitit 2034 si një nga opsionet. Datat e sakta duhet t’i përcaktojë FIFA.